我十分榮幸能與香港著名網站《香港風水網》合作出版首本網上流年運程書。希望能藉此機會，能在經濟低迷的情況下，給大家一些指引，令大家能輕易地渡過難關。

首先，我想同大家講下我作為一個風水佬的心路歷程，其實大大話話我已係呢個玄學界都有大約3年的時間，開始時是浮浮沉沉，生意少之又少，有時更一個星期都無一單生意，生計也難以維持，那時，真的有少少想放棄，幸好，有一班好朋友支持，成日同我講﹕ 「你又唔係唔準，只係未有人識你同埋機會未到?！」，仲有一個好好的網頁工程師幫我整左個咁專業的網頁，令我知名度日增。故一直堅持到現在，都算薄有名氣，最低限度所有大型搜尋網站都能搜尋到我的名字，我已經十分開心，有時見到客人由第一次聯絡我時對住我喊，到第二次聯絡變為對住我笑，個一刻都幾滿足的。

另一方面，我要解釋下我本書。一般流年運程書都是以生肖為基本作推算，但我的流年運程書係用八字中你本身的命格作為基本來推算，我夠膽講一定比用生肖推算準確很多，而且我更附帶了很多八字中的其他元素，令準確度差不多與你去算流年運程一樣，故在現今經濟環境差的情況下，希望能令你得到最準確的指引，我便心滿意足了。